1. Сайтта жиналған жеке деректер сипаты
2. Сіздің жеке деректеріңізді өңдеу мақсаттары және құқықтық негіздері
3. Сіздің жеке деректеріңізді сақтау
4. Сіздің жеке деректеріңізді жіберу
5. Сіздің жеке деректеріңізді тасымалдау
6. Сіздің құқықтарыңыз
7. Бізге хабарласыңыз
8. Осы Құпиялылық саясатына қатысты өзгертулер

Заңнама талаптарына сәйкес, атап айтқанда, түзетулер енгізілген 1978 жылғы 6 қаңтардағы "Деректерді қорғау туралы заң” және 2016 жылғы 27 сәуірдегі №2016/679/ЕО Еуропалық Регламент бойынша, жиналған барлық жеке деректер www.rixos.com (“Сайт”) веб-сайтында деректерді басқарушы ретінде әрекет ететін Rixos Hospitality B.V. (бұдан әрі - "Rixos" немесе "біз") компаниясы арқылы өңделеді.

Бұл құпиялылық саясатының (бұдан әрі - "Саясат") мақсаты — Сайтты қарайтын және/немесе Сайтта ұсынылған пішіндерді толтыратын және/немесе Сайтта қонақ үй брондайтын тұлғаларға  (бұдан әрі - "Пайдаланушы(лар)" немесе "сіз") жеке деректерін қорғауды қамтамасыз ету үшін Rixosқабылдаған міндеттемелер туралы хабарлау. 

Атап айтқанда, біз сізден жиналатын жеке деректеріңіз туралы, оларды қалай пайдаланатынымыз, ашатынымыз және қорғайтынымыз туралы, сондай-ақ осы деректерге қатысты өз құқықтарыңызды қалай жүзеге асыра алатыныңыз туралы ақпаратты ұсынамыз.

1. Сайтта жиналған жеке деректер сипаты

Rixos сізге қатысты және сіз берген жеке деректерді келесі тұрғыда өңдейді:

• Сайтты қарау кезінде;
• Келесі қонақ үйлердің біреуін тікелей Сайтта брондау кезінде: Қазақстандағы Rixos Almaty қонақ үйі, Қазақстандағы Rixos Kadhisha Shymkent немесе Біріккен Араб Әмірліктеріндегі Rixos Bab Al Bahr (“Қонақ үй(лер)”);
• Бізден ақпараттық бюллетеньдерімізді және басқа да маркетингтік/коммерциялық ақпаратты алуға келісім берген кезде;
• Бізге байланыс пішіні арқылы сұрақ қою, шағымдану немесе бос жұмыс орнына орналасу үшін хабарласқан кезде.

Осы тұрғыда Rixos келесі жеке деректерді жинайды және өңдейді:

• Сіздің жеке тұлғаңыз және байланысу туралы мәліметтер: жынысы, аты-жөні, электрондық пошта адресі, телефон нөмірі, сонымен қатар, Сайтта жасалған брондауға қатысты кез келген балалардың жасы туралы және жағдайларға байланысты Сайтта жасалған брондауға қатысты адамдардың жеке тұлғасы туралы мәліметтер;
• Сіздің есепшот мәліметтеріңіз: есепшот адресі, мобильді телефон нөмірі; 
• Сіздің төлем туралы ақпаратыңыз;
• Сіздің жұмысқа орналасу сұранымыңыз туралы ақпарат: түйіндеме, жолдама хат;
• Сайттың сіз қараған беттері және бөлімдері, сондай-ақ біздің Сайтты қарауға қатысты басқа да ақпаратыңыз (куки Cookies саясатын қараңыз);
• Сайтты пайдалану кезінде сіз тікелей немесе ерікті түрде бізге беретін кез келген ақпарат.

Сіз толтыратын міндетті немесе міндетті емес сипаттағы кез келген ақпарат, әдетте, осындай ақпаратты жинау кезінде тиісті пішіндерде жұлдызшамен белгіленеді. Бұл ақпаратты толтыру сәтсіз аяқталса, Rixos сұрауыңызды өңдеуден бас тартуы мүмкін.

Сіз Rixos компаниясына беретін өзіңіз туралы жеке деректердің өзекті, нақты,толық және бірмағыналы екеніне келісесіз.

2. Сіздің жеке деректеріңізді өңдеу мақсаттары және құқықтық негіздері

Rixos компаниясының жеке деректер жинауының басты мақсаты — сізге қауіпсіз, оңтайлы, тиімді және жеке тәжірибе ұсыну.

Rixos сіздің жеке деректеріңізді заңды және әділ түрде жинауға және өңдеуге міндетті. 

Rixos компаниясы жүзеге асырған өңдеу анықталған, нақты және заңды мақсаттарды көздейді. 

Сіздің деректеріңіз келесі мақсаттарда өңделеді, атап айтқанда: 

• Сізге қызмет көрсету үшін, яғни сіздің брондауыңызды және оның төлемін тіркеу / басқару.
  • Осы тұрғыда өңдеудің құқықтық негізі Rixos пен сіздің араңыздағы келісім-шарттың орындалуы болып табылады.
• Сізде туындайтын кез келген сұрақтарды немесе сұрауларды өңдеу және шағымдарды қарастыру үшін: Сайттың жұмысына, Rixos қызметтеріне, сіздің брондауларыңызға және т.б. қатысты сіздің сұрауларыңызға жауап беру үшін, Rixos жиналған деректерді пайдалануы мүмкін.
  • Осы тұрғыда өңдеудің құқықтық негізі — егер сұрау Rixos пен сіздің араңыздағы шарттық қатынасқа қатысты болса, келісім-шарттың орындалуы болып табылады, немесе Rixos компаниясының заңды мүддесі, атап айтқанда, сіздің сұрауларыңызды қанағаттандырудағы және тұтынушыларға сапалы қызмет көрсетудегі оның қаржылық мүддесі болып табылады. 
• Статистикалық талдаулар жүргізу, Сайтты әзірлеу, сайтты шолуды оңтайландыру және сізге жеке тәжірибе ұсыну үшін: cookie файлдары Сайтқа осы мақсаттарда орналастырылуы мүмкін, ал  толығырақ ақпарат алу үшін, Cookie файлдарын пайдалану саясатын.
  • Осы тұрғыда өңдеудің құқықтық негізі — Rixos компаниясының заңды мүддесі, атап айтқанда Сайтты және оның қызметтерін үздіксіз жетілдірудегі, сондай-ақ сізге тиісті мазмұн мен оңтайлы шолуды ұсынудағы оның қаржылық мүддесі болып табылады.
• Жұмысқа орналасу мақсатында байланыссаңыз, сол сұранымыңызды өңдеу үшін.
  • Осы тұрғыда өңдеудің құқықтық негізі — Rixos компаниясының заңды мүддесі, атап айтқанда сіздің жұмысқа орналасу туралы сұранымыңызға жауап берудегі және Rixos компаниясында қолжетімді лауазымдарға сәйкес профильдерді табудағы оның мүддесі болып табылады.
• Сізге маркетингтік/коммерциялық ақпарат жіберу: сіз келісім берген жағдайда Rixos өз істері мен қызметтері туралы ақпаратты электронды хатпен сізге жібере алады.
  • Осы тұрғыда өңдеу Rixos компаниясының заңды мүддесіне, атап айтқанда сізге жеке ұсыныстар жасауда қажеттіліктеріңізді жақсырақ түсіну және адалдығыңызды арттыру үшін икемді ұсыныстар жасаудағы оның қаржылық мүддесіне негізделеді.

Сіздің алдын ала келісіміңіз болған жағдайда Rixos жиналған деректерді басқа мақсаттарда пайдалана алады.

3. Сіздің жеке деректеріңізді сақтау

Rixos жеке деректеріңізді жиналу және өңделу мақсаттарына жетуге қажетті уақытқа дейін сақтайды. 

Бірақ заңды міндеттеме болғанда немесе заңды талаптарды талап етуде, жүзеге асыруда немесе қорғауда қолданылатын талап қою мерзімін назарға алу үшін, Rixos жеке деректеріңізді ұзақ мерзім бойы (мұрағатта) сақтауы мүмкін, атап айтқанда:

• брондау тұрғысында жиналған кез келген деректер үшін коммерциялық/шарттық қатынастан кейін 5 жыл;
• тікелей маркетингтік мақсаттарда жиналған кез келген деректер үшін сізбен жасалған соңғы келісім-шарттан кейін 3 жыл;
• бухгалтерлік есеп мақсаттарында қажетті кез келген деректер үшін 10 жыл;
• кез келген сұраным / талап бойынша сұранымыңызды өңдеу аяқталғанға дейін (және сот талқылауы жағдайында қолданылатын талап қою мерзіміне сәйкес);
• мәлімдеушімен соңғы рет байланысқан сәттен бастап мәлімдеуші деректері үшін 2 жыл, бұл мәлімдеуші ұзағырақ мерзімге келіспеген жағдайда; содан кейін деректер 4 жылға мұрағатталады;
• Сайттың қызметіне қажетсіз cookie файлдары немесе басқа да бақылаушылар құрылғыңызға орналастырылғанда, олар  заңды міндеттемелерге және құзырлы органдардың ұсыныстарына сәйкес сақталады (яғни Францияда ең көбі 6 ай мерзімінде).

4. Сіздің жеке деректеріңізді жіберу

Rixos қызмет ұсынушылар және/немесе үлестес тараптар Сайтқа қатысты қызметтерді (хостинг, техникалық қызмет көрсету, қауіптен және алаяқтықтан қорғау, Сайтты оңтайландыруды қоса) орындауы үшін, деректер талдауын және маркетингтік науқан қызметтерін жүргізу үшін, оларды сіздің жеке деректеріңізбен қамтамасыз етуі мүмкін. Бұл қызмет ұсынушылары сіздің деректеріңізге тек осы қызметтерді орындау үшін қол жеткізе алады және Rixos сияқты қауіпсіздік және құпиялылық міндеттемелерімен байланысты, олар сіздің деректеріңізді өңдеуге жауапты болып табылады. 

Сайттағы Қонақ үйлердің біреуінде брондау жасауға қажетті кез келген жеке деректер тиісті Қонақ үйге жіберіледі. Қонақ үйлер франшиза немесе Қонақ үй және Rixos (немесе әлемдегі еншілес компанияларының бірі) арасындағы басқару келісім-шарт бойынша басқарылады. Қонақ үйлердің біреуіне орналасқанда сіздің жеке деректеріңіз өзіндік жеке мақсаттары бойынша деректер басқарушысы ретінде әрекет ететін Rixos және Қонақ үй арқылы өңделеді.  Қорытынды:

• Rixos сіздің жеке деректеріңізді өңдейді, себебі ол біздің Қонақ үйлеріміздің біреуінде тұруыңызды ұйымдастыруға қажет деректерді жинауға және осы деректерді тиісті Қонақ үйге жіберуге мүмкіндік беретін Сайттың брондау жүйесін басқарады. Rixos компаниясы сондай-ақ Rixos брендіндегі Қонақ үйлерде тоқтайтын тұтынушылардың ғаламдық дерекқорын басқарады,
• Қонақ үй сізбен шарттық қатынасты реттеу үшін (есеп-шот, төлем, брондауды басқару, т.с.с.), маркетинг қызметтерін жүзеге асыру және заңды міндеттемелерін орындау үшін сіздің деректеріңізді өңдейді.

Сіздің тоқтауыңызға, таңдауларыңыз бен қанағаттануыңызға қатысты деректерді Rixos брендінде жұмыс істейтін Қонақ үйлер бір-бірімен алмасады.  Бұл деректер осы қонақ үйлердің әрбіріндегі қызмет сапасын және сіздің тәжірибеңізді жақсарту үшін пайдаланылады. Осы тұрғыда сіздің деректеріңіз Rixos және осы қонақ үйлер арқылы бірлесіп өңделеді. Сіздің құқықтарыңыз бен бостандығыңызды қорғаумен қатар, осы заңды мүддеге жету үшін, бірлескен бақылау туралы арнайы келісім-шарт Rixos компаниясының және осы қонақ үйлердің міндеттемелерін және жауапкершіліктерін сипаттайды. Сіз төмендегі 7-бапқа сәйкес бізге кез келген уақытта хабарласып, қонақ үйлер мен Rixos компаниясы осы деректерді бір-бірімен бөлісуіне қарсылық білдіре аласыз. Сондай-ақ бірлескен бақылау туралы келісім-шарттың негізгі жағдайларының жиынтығын сұрай аласыз.

Сіздің жеке деректеріңіз тұтынушыларымыз алдындағы міндеттемелерімізді орындау, тапсырыстарды және қонақ үйде тоқтауды басқару, Accor S.A. компаниясының адалдық бағдарламасын басқару және аналитика мақсаттарында Rixos-тың негізгі компаниясы болып табылатын Accor S.A. компаниясына берілуі мүмкін. Осы тұрғыда Rixos және Accor S.A компаниясы өзіндік жеке мақсаттарында екеуі де деректер басқарушысы ретінде әрекет етеді. 

Accor S.A. компаниясына берілетін жеке деректер келесіні қамтиды:

• Келісім-шарт мәліметтері (мысалы, аты-жөні, телефон нөмірі, электрондық пошта адресі)
• Жеке ақпарат (мысалы, туған күні, ұлты)
• Балаларыңызға қатысты ақпарат (мысалы, аты, туған күні, жасы)
• Accor компаниясының адалдық бағдарламасына немесе басқа серіктес бағдарламасына арналған мүшелік нөміріңіз (мысалы, әуе компаниясының адалдық бағдарламасы) және адалдық бағдарламасы негізіндегі әрекеттеріңізге қатысты ақпарат
• Сіздің ұшып келу және ұшып кету күндеріңіз
• Сіздің таңдауларыңыз және қызығушылықтарыңыз (мысалы, шылым шегуге болатын немесе болмайтын бөлме, таңдаулы қабат, төсек жабдығының түрі, газеттер/журналдар түрі, спорт, мәдени қызығушылықтар, тамақ және сусын таңдаулары, т.с.с.)
• Accor брендіндегі мекемелеріміздің біреуінде тоқтаған кездегі сіздің сұрақтарыңыз/түсініктемелеріңіз
• Біздің веб-сайттар мен қосымшаларды пайдалану нәтижесінде пайда болатын техникалық және орналасқан жер туралы деректеріңіз.

Сіздің жеке деректеріңіз компания ұсынатын өнімдер мен қызметтерді пайдалана алуыңыз үшін тапсырысыңызға қажетті өңдеулерді жүргізу, келісім-шартты орындау, тұтынушы шағымдарын және талаптарын өңдеу, біздің өнімдер мен қызметтерге қатысты сұранымдарыңызға сәйкес арнайы қызметтермен қамтамасыз ету үшін талдаулар жүргізу, тұтынушымен қатынасты реттеу және тұтынушының қанағаттануын қамтамасыз ету арқылы тиімді байланыс орнату, жайғасқаннан кейін ұсынылатын қолдау қызметтерін орындау, жайғастыру қызметтеріне арналған тасымалдау барысын жүзеге асыру, біздің үлестес тұлғалар дайындаған науқандық және жарнамалық іс-шаралар жүргізу, қаржылық транзакцияларды орындау, бақылау және есеп беру, өнімдер мен қызметтерге байланысты адалдық бағдарламаларын жүргізу, заңнамаға сәйкес әрекеттерді жүзеге асыру мақсаттарында Rixos-тың франшиза компаниясы болып табылатын Fine Otel Turizm İşletmecilik A.Ş. компаниясына берілуі мүмкін.  Осы тұрғыда Rixos және Fine Otel Turizm İşletmecilik A.Ş. компаниясы өзіндік жеке мақсаттарында екеуі де деректер басқарушысы ретінде әрекет етеді. 

Fine Otel Turizm İşletmecilik A.Ş. компаниясына берілетін жеке деректер келесіні қамтиды:

• Келісім-шарт мәліметтері (мысалы, аты-жөні, телефон нөмірі, электрондық пошта адресі)
• Жеке ақпарат (мысалы, туған күні, ұлты)
• Балаларыңызға қатысты ақпарат (мысалы, аты, туған күні, жасы)
• Accor компаниясының адалдық бағдарламасына немесе басқа серіктес бағдарламасына арналған мүшелік нөміріңіз (мысалы, әуе компаниясының адалдық бағдарламасы) және адалдық бағдарламасы негізіндегі әрекеттеріңізге қатысты ақпарат
• Сіздің ұшып келу және ұшып кету күндеріңіз
• Сіздің таңдауларыңыз және қызығушылықтарыңыз (мысалы, шылым шегуге болатын немесе болмайтын бөлме, таңдаулы қабат, төсек жабдығының түрі, газеттер/журналдар түрі, спорт, мәдени қызығушылықтар, тамақ және сусын таңдаулары, т.с.с.)

Сондай-ақ Rixos заңды міндеттемелерге сәйкес, Пайдаланушылардың, Rixos компаниясының немесе кез келген тұлғаның қауіпсіздігіне немесе кез келген басқа құқықтары мен мүдделеріне қауіп төндіретін кез келген жағдайлардың, тиым салынған немесе заңсыз әрекеттердің, сондай-ақ Сайттың Пайдалану шарттарыбұзылуының алдын алу, анықтау, тексеру және қарсы шаралар қолдану мақсатында сіздің деректеріңізбен бөлісуі мүмкін. Rixos сіздің жеке деректеріңізді кез келген түрдегі заңды немесе әкімшілік талқылауларға, сот бұйрықтарына немесе құзырлы органдар талап еткен мәжбүрлі шараларға жауап беру мақсатында жіберуі мүмкін.  Соңында, үшінші тараптың Rixos компаниясын толығымен немесе бір бөлігін біріктіруі немесе сатып алуы тұрғысынан, сіз осында қабылдағаныңыз бойынша, Rixos сіздің деректеріңізбен бөлісе алады.

5. Сіздің жеке деректеріңізді тасымалдау

Rixos сіздің жеке деректеріңізді жібере алатын жоғарыда аталған алушылар шетелде, сонымен бірге Еуропалық экономикалық аймақтан тыс жерде тұруы мүмкін.

Мұндай жағдайда Rixos олардан жеке деректерді қорғау туралы қолданыстағы заңнамаға сәйкес, сіздің деректеріңіздің сәйкес деңгейде қорғалуын қамтамасыз ету үшін барлық ұйымдық және техникалық шараларды қолдануын талап етеді (атап айтқанда, Еуропалық комиссияның сәйкестік шаралары туралы шешімі бойынша, Еуропалық комиссия немесе АҚШ құпиялылық қалқаны бойынша әзірленген стандартты шарттық ережелерге қол қою арқылы; бұл құжаттардың көшірмесіне келесі мекенжайға сұраным жіберу арқылы қол жеткізуге болады: Rixos Hospitality B.V., Nieuwezijds Voorburgwal 104 – 108, 1012 SG Amsterdam, Netherlands).

6. Сіздің құқықтарыңыз

Сіздің жеке деректеріңіз бойынша келесі құқықтарыңыз бар:

• Қол жеткізу құқығы: Сіз өзіңізге қатысты жеке деректердің өңделгені немесе өңделмегені туралы растау алуға (i), егер өнделсе, сол деректерге және көшірмесіне қол жеткізу (ii) құқығыңыз бар. 

• Түзету құқығы: Сізге қатысты нақты емес жеке деректерді түзетуге қол жеткізу құқығыңыз бар. Сондай-ақ толық емес жеке деректеріңізді, сонымен бірге қосымша өтініш беру арқылы толтыруға құқығыңыз бар.

• Өшіру құқығы: Кейбір жағдайларда сізге қатысты жеке деректердің өшірілуіне қол жеткізу құқығыңыз бар.  Бірақ бұл — абсолюттік құқық емес және Rixos компаниясының мұндай деректерді сақтауға заңды негіздері болуы мүмкін.

• Өңдеуді шектеу құқығы: кейбір жағдайларда сіздің жеке деректеріңіздің өңделуін шектеуге қол жеткізу құқығыңыз бар.

• Тасымалдау құқығы: сіздің Rixos компаниясына берген сізге қатысты жеке деректеріңізді құрылымдалған, кеңінен пайдаланылатын және машинамен оқылатын пішімде алуға құқығыңыз бар, сондай-ақ ол деректерді Rixos тарапынан ешбір кедергісіз басқа деректер басқарушысына жіберуге құқығыңыз бар. Бұл құқық жеке деректеріңізді өңдеу сіздің келісіміңіз немесе келісім-шарт негізінде орындалғанда және мұндай өңдеулер автоматты түрде жүргізілгенде ғана қолданылады. 

• Өңдеуге қарсылық білдіру құқығы: сізге қатысты жеке деректеріңізді өңдеу Rixos компаниясының заңды мүддесіне негізделген болса, сіздің белгілі бір жағдайыңызға байланысты негізде кез келген уақытта деректеріңіздің өңделуінен бас тартуға құқығыңыз бар. Бірақ Rixos өңдеуді жалғастыру үшін сенімді заңды негіздерге сілтеме жасай алады. Жеке деректеріңіз тікелей маркетингтік мақсаттарда өңделсе, сіздің мұндай деректерді өңдеуге кез келген уақытта қарсылық білдіруге құқығыңыз бар. 

• Құзыретті қадағалаушы органга шағым түсіру құқығы: Rixos компаниясының жеке деректерді қорғау бойынша тәжірибелеріне шағымдану үшін, сіздің CNIL ұйымына жүгінуге  құқығыңыз бар. 

• Қайтыс болғаннан кейін деректеріңізді пайдалануға қатысты нұсқаулар беру құқығы: қайтыс болғаннан кейін сіздің жеке деректеріңізді пайдалануға қатысты нұсқауларды Rixos компаниясына беруге құқығыңыз бар.

Осы құқықтардың біреуін немесе одан көбін пайдалану үшін, келесі пошта мекенжайы бойынша Rixos компаниясына хабарласыңыз: Rixos Hospitality B.V., Nieuwezijds Voorburgwal 104 – 108, 1012 SG Amsterdam, Netherlands немесе dataprivacy@rixos.com электрондық поштасына жазыңыз.

7. Бізге хабарласыңыз 

Осы Құпиялылық саясатына қатысты сұрақтарыңызды немесе мәселелеріңізді біздің электрондық поштамызға жіберіңіз: dataprivacy@rixos.com.

8. Осы Құпиялылық саясатына қатысты өзгертулер 

Осы Құпиялылық саясатын өзгерту шешімін қабылдаған жағдайда біз өзгертулерді осы бетте жариялаймыз және жоғарыда көрсетілген өзгерту күнін жаңартамыз. Айтарлықтай өзгертулер болған жағдайда сізге бұл туралы кез келген тиісті жолмен хабарлаймыз.