- ҚОЛДАНЫЛУ АЯСЫ
Осы www.rixos.com (“Сайт”) веб-сайты Rixos брендіндегі қонақ үйлерді басқаратын Rixos Hospitality B.V. (“Rixos”) компаниясы арқылы жарияланды. Rixos Сайтта қонақ үй брондау қызметтерін (“Қызметтер”) Пайдалану шарттарында [Пайдалану шарттары үшін сілтеме қосу] баяндалған шарттар мен талаптарға сәйкес ұсынады.
Қызметтер қолданыстағы заңнамаға сәйкес заңды түрде міндетті келісім-шарттар жасай алатын жеке тұлғаларға (“Тұтынушы”) ғана қолжетімді. Қызметтерді пайдалана отырып, Тұтынушы Қызметтерді пайдалану үшін жеткілікті кәмелет жасқа толғанын және Қызметті пайдалану нәтижесінде туындауы мүмкін кез келген жауапкершілікке қатысты міндетті заңды міндеттемелер жасайтынын мәлімдейді. Сондай-ақ Тұтынушы өзі үшін немесе атынан әрекет етуге уәкілеттік берілген басқа адам үшін брондау жасауға заңды құқығы барына кепілдік береді.
Осы сату шарттары (“Сату шарттары”) Тұтынушы Сайтта келесі Rixos қонақ үйлерінің біреуінде жасаған кез келген брондауына қолданылады:
- Қазақстандағы Rixos Almaty қонақ үйі,
- Қазақстандағы Rixos Kadhisha Shymkent,
- Біріккен Араб Әмірліктеріндегі Rixos Bab Al Bahr
(әрқайсысы “Қонақ үй” және бірге “Қонақ үйлер”).
Rixos тобындағы кез келген қонақ үй брондаулары Rixos-тың негізгі компаниясы болып табылатын Accor S.A (“Accor”) компаниясы арқылы өңделеді және Тұтынушылар Accor компаниясының шарттары және талаптарына сәйкес брондауды жалғастыру үшін Accor веб-сайтына бағытталады.
Сату шарттары Тұтынушы брондау жасаған Қонақ үй мен Тұтынушы арасындағы шарттық қатынасты реттейді. Сату шарттары Тұтынушы үшін кез келген уақытта Сайтта қолжетімді. Тұтынушыға Сату шарттарын браузердің және/немесе компьютердің стандартты параметрлерін пайдалану арқылы сақтауға және/немесе басып шығаруға болады.
Сату шарттары нысанына қатысты кез келген басқа құжаттан басым күшке ие болып табылады. Тараптар Сату шарттары олардың нысанына қатысты толық келісімін білдіретінін тікелей мәлімдейді. Тұтынушы хабарлаған ешқандай жалпы немесе нақты талаптар Сату шарттарына енгізілмейді немесе қосылмайды.
Осы арқылы Тұтынушы кәмелет жасқа толғанын, осы келісімді жасасу үшін толық заңды қабілеттілігі барын және делдалдық, қайта сату, тарату немесе Қызметтердің барлығына немесе бөлігіне ұқсас кез келген қызметтерді қоспағанда, өзінің жеке қажеттіліктері үшін әрекет ететіндігін мәлімдейді.
Rixos Сату шарттарын кез келген уақытта өзгерту құқығын өзіне қалдырады. Қолданыстағы Сату шарттары брондау күні жарамды шарттар болып табылады. Тұтынушыға Сайтқа кірген сайын және брондаудан бұрын оны мұқият оқып шығу ұсынылады, себебі олар өзгертілуі мүмкін.
2. ҚЫЗМЕТТЕРДІҢ СИПАТТАМАСЫ
Сайт Тұтынушыларға Қонақ үйлердің біреуінде брондау жасауға мүмкіндік береді. Ұсынылатын Қонақ үйлердің және/немесе жайғастырудың басты ерекшеліктері мен сипаттамалары Сайтта брондау барысында және/немесе одан бұрын көрсетіледі. Ұсынылатын Қонақ үйлер және/немесе жайғастыру туралы қосымша ақпарат алу үшін, Тұтынушы Сайтта көрсетілген байланысу ақпараты арқылы Қонақ үйге хабарласа алады.
Сайттағы фотосуреттер тек ақпараттық сипаттарға ие. Қонақ үйлерді және/немесе Қызметтерді суреттеуге түсірілген фотосуреттер, графикалық кескіндер және мәтіндер ұсынылатын Қызметтердің нақты көрінісін жеткізуі үшін көп күш салынғанымен, өзгерістер, атап айтқанда, жиһаздың өзгеруіне немесе жөндеу жұмыстарына байланысты орын алуы мүмкін. Күмән туындаған жағдайда немесе Қызметтер туралы қосымша ақпарат алу үшін, Сайтта көрсетілген байланысу ақпараты арқылы Қонақ үйге тікелей хабарласыңыз. Кез келген жағдайда Rixos және/немесе Қонақ үй осы ретте туындауы мүмкін мардымсыз қателіктер үшін жауап бермейді.
Кез келген жағдайда Тұтынушыларға келесі ақпарат Сайтта көрсетіледі:
- Қызметтердің және Қонақ үйлерді негізгі сипаттамалары: жайғасудың және Қонақ үй шаруашылығының негізгі ерекшеліктері,
- қолданыстағы бағалары,
- төлем шарттары,
- Сату шарттары және Шарттар мен талаптар.
Тұтынушы Қызметтерді таңдауға және оның өз қажеттіліктеріне сай келетініне өзі жауапты болып табылады. Бұл тұрғыда Қонақ үй және/немесе Rixos компаниясы жауапкершілік көтермейді. Барлық брондаулардың атаулы сипатта екендігі және ешқандай жағдайда оның барлығы немесе бөлігі үшінші тарапқа берілмейтіндігі тікелей ескертілді.
3. БРОНДАУ БАРЫСЫ
Кез келген брондау осы Сату шарттары және Шарттар мен талаптарға арналған гипермәтінді сілтемесі бар құсбелгі ұяшығының көмегімен осы Сату шарттары және Шарттар мен талаптарымен алдын ала келісуді және қабылдауды білдіреді.
Брондау барысында Тұтынушы жіберген қате немесе толық емес ақпарат үшін Rixos жауапкершілік көтермейді.
Брондау барысы келесідей:
- Тұтынушы тоқтағысы келетін Қонақ үйді таңдайды,
- Тұтынушы ұшып келу және ұшып кету күндерін таңдап, брондауға қатысты ересектер және/немесе балалардың санын көрсетеді және содан кейін “Брондау” батырмасын басады,
- Тұтынушы бөлме түрін таңдайды және содан кейін “Брондау” батырмасын басады,
- Тұтынушыға брондауының қысқаша мазмұны ұсынылады және онда брондауға қажетті кез келген өзгертулер енгізу мүмкіндігі бар,
- Тұтынушы “Қонақ туралы ақпарат” пішінін жеке басы және байланысу туралы мәліметтері (жұлдызшамен белгіленген ақпарат міндетті) бойынша толтырады,
- Тұтынушы келесі кредиттік карталарының арасынан өз әдісін таңдайды: Visa, MasterCard, American Express, JCB, Discover немесе Diners Club,
- Тұтынушы сілтеме арқылы қолжетімді “Мен “Сату шарттары” және “Шарттар мен талаптар” ережелерін оқыдым және онымен келісемін” батырмасын басады,
- Содан кейін Тұтынушы “Қазір брондау” батырмасын басады,
Назар аударыңыз: Сайтта ешқандай төлем жасалмайды. Кредиттік карта туралы ақпарат брондауға кепілдік беру үшін ғана қажет.
Тұтынушы Сайтта брондау барысын жоғарыда сипатталғандай аяқтағаннан кейін, Тұтынушы электрондық поштасына Тұтынушының брондау ақпаратын толығымен көрсететін растау хатын алады. Егер брондауға қолданылатын Шарттар мен талаптар брондауға алдын ала төлемді талап етсе, Тұтынушы брондауды төмендегі 7.2.1-бапқа сәйкес алдын ала төлеуі үшін, Тұтынушы электрондық поштасына төлем сілтемесін алады. Осыған байланысты алдын ала төленген брондаулар Тұтынушы тиісті алдын ала төлемді жасағаннан кейін ғана расталған болып саналады.
Rixos компаниясы қалыпсыз мөлшердегі сұраным(дар), Тұтынушының алдыңғы брондауына қатысты болған даулары, тағы сол сияқты заңды себептерге байланысты брондаудан бас тарту немесе оны болдырмау құқығын өзіне қалдырады.
4. ҚАЙТАРЫП АЛУ ҚҰҚЫҒЫ ЖОҚ
Францияның тұтынушылар кодексінің L. 221-28 12-бабына сәйкес, брондауы жоғарыда 3-бапта сипатталған брондау барысына сәйкес орналастырылғаннан кейін, Тұтынушы оны қайтарып ала алмайды.
5. БАС ТАРТУ / ӨЗГЕРТУ
Шарттар мен талаптарға сәйкес Қонақ үй брондаудан бас тарту ақысын алуға және қолданылуы бойынша Тұтынушы алдын ала төлеген сомадан немесе қолданылуы бойынша (брондау алдын ала төленбесе) кепілдік ретінде ұсталған сомадан шегерілетін Тұтынушы брондау үшін төлейтін бағаны толығымен немесе оның бөлігін алуға құқылы.
Қалыпсыз, тиімсіз, толық емес немесе алдамшы болып табылатын кез келген брондау немесе төлем Қонақ үйдің және/немесе Rixos компаниясының басқа құқықтарына және/немесе құқықтық қорғау құралдарына нұқсан келтірместен, брондаудың жойылуына әкеледі.
6. КЕЛМЕЙ ҚАЛУ
Шарттар мен талаптарға сәйкес, келмей қалу жағдайында (брондаудан бас тартылмаған және Тұтынушы жайғасуға келмей қалған жағдайда):
- егер Тұтынушы төмендегі 7.2.1-бапқа сәйкес алдын ала төлем жасаса, ондай мұндай алдын ала төлемді Қонақ үй ұстайды,
- егер брондауға тек кредиттік карта арқылы кепілдік берілсе, Қонақ үй Тұтынушының кредиттік картасынан Тұтынушының толық брондау сомасына тең өтемақы мөлшерлемесін алады.
Сондай-ақ Шарттар мен талаптарға сәйкес басқаша көрсетілмесе, Тұтынушының брондауы ақысыз жойылады.
7. БАҒАЛАР ЖӘНЕ ТӨЛЕМ
7.1 Бағалар
Қолданыстағы бағалар брондау барысында және одан бұрын көрсетіледі. Бағалар адам(дар) санына байланысты бөлме және таңдалған күні бойынша көрсетіледі. Сайтта көрсетілген бағалар Тұтынушы таңдаған валютада көрсетіледі және брондау жасалған күні қолданылатын бағам бойынша барлық қолданылатын салықтарды (ҚҚС-мен қоса) қамтиды. Қонақ үйге төлем Тұтынушы таңдаған валютадан басқа валютада жасалса, алмастыру алымын Тұтынушы көтереді.
Брондау барысында Сайтта немесе Тарифтік саясатта басқаша көрсетілмесе, қосымша қызметтер (таңғы ас, жартылай пансион, толық пансион, т.с.с.) тұру бағасына кірмейді.
Қонақ үйлер бағаларын Сайтта кез келген уақытта өзгерте алады. Брондаулар үшін Тұтынушы брондауды растаған уақытта қолданылған баға негізінде есепшот ұсынылады.
7.2 Төлем шарттары
Тұтынушының брондауына қолданылатын Шарттар мен талаптарға байланысты, төлем шарттары өзгеруі мүмкін. Кез келген жағдайда онлайн брондау жасау кезінде брондауларына кепілдік беруі үшін, Тұтынушы әрдайым кредиттік карта мәліметтерімен қамтамасыз етуі қажет. Сонымен бірге кейбір тарифтер алдын ала төленуі тиіс (7.2.1-бап), ал кейбір тарифтер Тұтынушы Қонақ үйде тоқтағанда тікелей толығымен төленеді (7.2.2-бап).
Егер Тұтынушы бірнеше бөлмені брондаса, бірақ осы бөлмелердің тек біреуіне немесе бірнешеуіне алдын ала төлем талап етілсе, осы бөлмелерге алдын ала төлеуге пайдаланылған кредиттік карта басқа бөлмелерге кепілдік болады.
7.2.1 Алдын ала төлеу
Шарттар мен талаптарда баяндалғандай, тарифті алдын ала төлеу талап етілсе, Тұтынушы алдын ала төлеуді жалғастыру үшін электрондық поштасына нұсқаулары бар төлем сілтемесін алады. Мұндай алдын ала төлемді Тұтынушы төлем сілтемесін алған сәттен бастап қырық сегіз (48) сағат ішінде жасамаса, брондау жойылады және бұл туралы Тұтынушы электрондық поштасына хабарлама алады.
Төлемдер кредиттік карта (Visa, Mastercard, American Express, Diners Club) арқылы қабылданады.
Тұтынушы алдын ала төлемді жасағаннан кейін, электрондық поштасына төлемді растау хатын алады.
7.2.2 Кепілдік
Егер тарифті алдын ала төлеу тиіс болмаса, брондау төлемі Тұтынушы Қонақ үйде тоқтағанда тікелей толығымен төленеді. Мұндай жағдайда Қонақ үй келген Тұтынушыдан Қонақ үй ұсынатын қызметтерге сәйкес соманы төлеуге кепілдік беруі үшін кредиттік картасын дебеттеуге рұқсат немесе кепіл сұрай алады.
8. ЖЕКЕ ДЕРЕКТЕР
Тұтынушыларға Rixos және/немесе Қонақ үй жеке деректерді осында қолжетімді Rixos компаниясының Құпиялылық саясатына сәйкес өңдейтіні туралы хабар беріледі.
9. ФОРС-МАЖОР
Азаматтық кодекстің 1218-бабы және Францияның прецеденттік құқығы бойынша анықталғандай, тараптардың біреуіне шарттық міндеттемелерін орындауға кедергі келтіретін форс-мажор жағдайларында, тараптардың тиісті міндеттемелері тоқтатыла тұрады және нәтижесінде тараптардың ешқайсысы ешқандай жауапкершілік көтермейді.
Форс-мажор жағдайына ұшыраған тарап форс-мажор туындағаннан кейін мүмкіндігінше тезірек басқа тарапқа бұл туралы хабарлама беруі тиіс.
Форс-мажор жағдайы қатарынан отыз (30) күннен ұзақ созылса және/немесе ол орын алғаннан кейін зардап шеккен тарапқа міндеттемелерін орындауға кедергі келтірсе, онда тараптардың кез келгені екінші тарап алғанын растаған тапсырыс хат арқылы екінші тарапты жазбаша хабарландыру арқылы келісім-шартты бұзуға құқылы. Шартты бұзу көрсетілген тапсырыс хатын алған күннен бастап күшіне енеді және оның нәтижесінде тараптардың ешқайсысы ешқандай жауапкершілік көтермейді.
10. ДАУЛАРДЫ ШЕШУ
Осы Сату шарттары француз заңына сәйкес реттеледі және түсіндіріледі.
Осы Сату шарттарына және/немесе брондауға қатысты шағым немесе дау туындаған жағдайда, талабын немесе шағымын жеткізу үшін және Rixos компаниясымен бейбіт шешімге келу үшін, Тұтынушы Rixos тұтынушыларға қызмет көрсету бөліміне (call@rixos.com электрондық поштасына немесе Rixos Hospitality B.V., Nieuwezijds Voorburgwal 104 – 108, 1012 SG Amsterdam, Netherlands пошта мекенжайына жазу арқылы немесе жұмыс күндері +90 850 755 1 797 нөмірі арқылы (дүйсенбі - жексенбі күндері Стамбул уақыты бойынша 08:00 - 00:00 аралығында) хабарласа алады.
Rixos компаниясының тұтынушыларға қызмет көрсету бөлімі арқылы шағым бейбіт шешілмейтін жағдайда Тұтынушы оны келесі мекенжай бойынша тұтынушылар медиаторына: FEVAD (Fédération du e-commerce et de la vente à distance), 60 rue la Boétie, 75008 Paris, France, http://www.mediateurfevad.fr[A1] немесе келесі мекенжай арқылы қолжеткізуге болатын Еуропалық комиссияның онлайн дауларды шешу платформасына жібере алады: http://ec.europa.eu/odr.
Бейбіт келісімге келмегенде (жоғарыдағы медиация процесін қоса алғанда) немесе Тұтынушы медиация рәсімінсіз талабын немесе дауды тікелей сотқа бергісі келсе, осы Сату шарттарына және/немесе брондауға қатысты кез келген шағым немесе дау Париждің құзыретті соттарының айрықша юрисдикциясында болуы тиіс, бұл Тұтынушының дауды тұрғылықты жеріндегі соттарға беру немесе таңдауы бойынша Францияның тұтынушылар кодексінің R. 631-3-бабыны сәйкес, Францияның азаматтық процестік кодексі бойынша аумақтық құзыретті кез келген басқа сотқа беру құқығына нұқсан келтірмейді.
11. ӘР ТҮРЛІ
Тараптар Сату шарттары олардың нысанына қатысты толық келісімін білдіретінін және осы нысанға қатысты олардың арасындағы кез келген алдыңғы келісімдерді алмастыратынын тікелей мәлімдейді. Егер жалпы келісімшарт шарттарының қандай да бір ережелері жарамсыз болып табылса, тиісті ережелер қолданылмайды, бірақ басқа ережелер күшін сақтайды.
Тараптардың бірі екінші Тараптың кез келген міндеттемелерінің бірін орындамауы туралы сілтеме жасамау фактісі осы міндеттемеден бас тарту ретінде немесе міндеттемі бұзбаған Тараптың болашақта оған сілтеме жасауына кедергі келтіруі мүмкін Сату шарттарына қосымша ретінде түсіндірілмейді.
Егер Сату шарттарының бір немесе одан көп ережелері белгілі бір заң, қаулы немесе құзыретті сот қаулысы негізінде жарамсыз деп танылса, хабарланса немесе жарияланса, Тараптар жарамсыз ережені немесе ережелерді алмастыру үшін және бастапқы ереженің немесе ережелердің мақсатына жетуге мүмкіндік беру үшін, бір немесе одан көп ережелерге қатысты келісу үшін кездеседі. Келісім-шарттың барлық басқа ережелері өз күшін және қолданылу аясын сақтайды.
12. Сапа саясаты
Rixos Hotels-тің сапа саясатына беріктігі туралы осында кеңес алыңыз.
